Eki oblystyń aýrýhanalary zııandy medıtsınalyq qaldyqtardy durys joımaǵan
Almaty oblysy Qaratal aýdany prokýratýrasy «A, B» sanattaryndaǵy adam ómiri men qorshaǵan ortaǵa qaýipti medıtsınalyq qaldyqtardy zarasyzdandyrý jáne joıý kezinde ereje talaptary saqtalmaǵanyn anyqtady, dep habarlaıdy Kazinform.
Bul zańbuzýshylyqtar Bastóbe aýyldyq okrýgindegi qatty turmystyq qaldyqtar polıgony mańynda tirkeldi.
Osy jerde Almaty men Jetisý oblystarynyń densaýlyq saqtaý mekemeleri medıtsınalyq qaldyqtaryn tógip, zańsyz jınaǵan.
Tabıǵatty qorǵaý zańnamasyna sáıkes, medıtsınalyq qaldyqtardy polıgonda zarasyzdandyrýǵa tyıym salynǵan jáne ol úshin ákimshilik jaýapkershilik qarastyrylǵan (ÁQBtK 344-bap) .
Qatysy bar tulǵalardy anyqtaý jáne olarǵa qatysty protsessýaldyq sheshim qabyldaý úshin atalǵan derek Qaratal aýdanynyń polıtsııa bóliminde tirkeldi.
Qazirgi ýaqytta tekserý jalǵasyp jatyr.
