Eki oblystaǵy jolda kólik qozǵalysyna shekteý engizildi
ASTANA. KAZINFORM – Aqmola men Qaraǵandy oblystaryndaǵy joldara kún raıyna baılanysty qozǵalys shekteldi, dep habarlaıdy «QazAvtoJol».
Kompanııa málimetterine qaraǵanda, 11 qarasha saǵat 19:30- respýblıkalyq mańyzy bar «Astana-Qaraǵandy-Almaty» avtojolynyń 30-92 shaqyrym aralyǵyndaǵy ýchaskesinde (Jibek Joly aqy alý pýnktinen - Qaraǵandy oblysynyń shekarasyna deıin) júk jáne qoǵamdyq kólikteriniń qozǵalysyna shekteý qoıylady.
Joldy 2025 jylǵy 12 qarasha saǵat 08:00-de ashý josparlanǵan.
Sondaı-aq saǵat 19:30-da Qaraǵandy oblysynda respýblıkalyq mańyzy bar «Astana-Qaraǵandy-Almaty» avtojolynyń 92-164 shaqyrym aralyǵyndaǵy ýchaskesinde (Aqmola oblysynyń shekarasynan - Temirtaý aqy alý pýnktine deıin) júk jáne qoǵamdyq kólik túrleriniń qozǵalysyna shekteý qoıyldy.
Joldy 2025 jylǵy 12 qarasha saǵat 08:00-de ashý josparlanǵan.
Osyǵan deıin aldaǵy úsh táýliktiń kún raıy boljamyn jarııaladyq.