Eki oblystaǵy respýblıkalyq jolda kólik qozǵalysy shekteldi
ASTANA. KAZINFORM – QazAvto jol kólik qozǵalysyn shekteý týraly shuǵyl aqparat jarııalady.
11 sáýir saǵat 08:30-de jol jamylǵysynyń nasharlaýyna baılanysty kelesi respýblıkalyq avtojoldarda júk kólikteriniń qozǵalysyna shekteý qoıyldy:
Soltústik Qazaqstan oblysy:
«Astana – Atbasar – Jaqsy – Rýzaevka – Sarykól – Qostanaı – RF shek.» avtojolynyń 729-768 shaqyrym aralyǵyndaǵy ýchaskesi (Qostanaı oblysynyń shekarasynan Toqsan bı aýylyna deıin).
Qostanaı oblysy:
«Astana – Atbasar – Jaqsy – Rýzaevka – Sarykól – Qostanaı – RF shek.» avtojolynyń 686-729 shaqyrym aralyǵyndaǵy ýchaskesi (Sarykól aýylynan Soltústik Qazaqstan oblysynyń shekarasyna deıin).
Joldy 2025 jylǵy 12 sáýir saǵat 12:00-de ashý josparlanǵan.
1403 baılanys ortalyǵyna habarlasyp, táýlik boıy qosymsha aqparat alýǵa bolady.
Aıta keteıik, joldarda kólikterdiń ortasha jyldamdyǵyn ólsheıtin bolady.