Eki oblysta joldar jabylyp, kólik qozǵalysyna shekteý qoıyldy
ASTANA. KAZINFORM — Elimizdiń soltústigindegi eki óńirde kún raıynyń kúrt ózgerýine baılanysty joldar jabyldy, dep habarlaıdy «QazAvtoJol» UK.
2025 jylǵy 25 aqpan saǵat 00:10–da aýa raıynyń buzylýyna baılanysty kelesi avtojoldarda kóliktiń barlyq túrleri qozǵalysyna shekteý qoıylady:
Aqmola oblysy:
— «Astana-Atbasar-Jaqsy-Rýzaevka-Sarykól-Qostanaı-RF shekarasy» 856-915 shaqyrym aralyǵy (SQO shekarasy — Jaqsy aýyly).
Soltústik Qazaqstan oblysy:
— «Astana-Atbasar-Jaqsy-Rýzaevka-Sarykól-Qostanaı-RF shekarasy» 846-856 shaqyrym aralyǵy (Aqmola oblysynyń shekarasy — Tahtabrot aýylynyń burylysy).
Aıta keteıik, joldy 2025 jylǵy 25 aqpan saǵat 08:00–de ashý josparlanǵan. 1403 baılanys ortalyǵyna habarlasyp, táýlik boıy qosymsha aqparat alýǵa bolady.
Buǵan deıin habarlanǵandaı, elimizdiń 13 óńirinde daýyldy eskertý jarııalandy.