Eki oblysta jabylǵan joldar ashyldy – Qazavtojol

ASTANA. KAZINFORM – Respýblıkada kúnniń buzylýyna baılanysty 5 óńirde joldar jabylǵan bolatyn. Tań ata eki óńirdegi joldar ashyldy, dep habarlaıdy «QazAvtoJol» UQ» AQ baspasóz qyzmeti.

Olar:

- Jambyl oblysy «Almaty-Tashkent-Termez» avtojolynyń 534-593 shaqyrymy aralyǵy (Aısha bıbi aýyly - Túrkistan oblysynyń shekarasy);

- Túrkistan oblysy «Almaty-Tashkent-Termez» avtojolynyń 593-620 shaqyrymy aralyǵy (Jambyl oblysynyń shekarasy - Turar Rysqulov aýylynyń shekarasy).

Al Aqmola oblysynda kerisinshe qozǵalys shekteldi.

«2024 jylǵy 7 qarashada saǵat 01:30-da Aqmola oblysynda kúnniń buzylýyna baılanysty respýblıkalyq mańyzy bar «Astana-Ereımentaý-Shıderti» avtojolynyń 16-200 shaqyrym aralyǵynda (Astana qalasynan Pavlodar oblysynyń shekarasyna deıin) kóliktiń barlyq túriniń qozǵalysyna shekteý qoıý josparlanýda»,-delingen habarlamada.

Osyǵan deıin kún raıynyń kúrt buzylýyna baılanysty 5 óńirdegi mańyzdy avtojoldar jabylǵany týraly habarladyq.