Eki oblysta kólik qozǵalysyna ýaqytsha shekteý engizildi
ASTANA. KAZINFORM – QazAvtoJol aýa raıyna baılanysty Atyraý men Mańǵystaý oblysynda kólik qozǵalysy shektelgenin habarlady.
2026 jylǵy 26 qańtar saǵat 16:00-de aýa raıynyń nasharlaýyna baılanysty kelesi respýblıkalyq mańyzy bar avtojoldarda barlyq kólik túrleriniń qozǵalysyna ýaqytsha shekteý qoıylady:
Atyraý oblysy:
– «Dossor – Qulsary – Beıneý – Saı-Ótes – Shetpe – Jetibaı – Aqtaý» avtojolynyń 179-210 shaqyrym aralyǵy (Maıkómgen aýylynan Mańǵystaý oblysynyń shekarasyna deıin).
Mańǵystaý oblysy:
– «Dossor – Qulsary – Beıneý – Saı-Ótes – Shetpe – Jetibaı – Aqtaý» avtojolynyń 210-332 shaqyrym aralyǵy (Atyraý oblysy shekarasynan Beıneý aýylyna deıin).
Aıta keteıik, joldy 2026 jylǵy 26 qańtar saǵat 20:00-de ashý josparlanyp otyr.
Buǵan deıin 26 qańtarda joldaǵy ahýal qandaı ekenin jazǵan edik.