Eki oblysta kólik qozǵalysyna shekteý qoıyldy

ASTANA. KAZINFORM – Aqmola men Pavlodar oblystaryndaǵy joldarda aýa raıyna baılanysty kólik qozǵalysyna shekteý qoıyldy, dep habarlaıdy «QazAvtoJol» UQ» aktsıonerlik qoǵamynyń baspasóz qyzmeti.

- 2025 jylǵy 6 qarasha saǵat 23:30-da kún raıynyń qolaısyzdyǵyna (jel, jańbyr, kóktaıǵaq, temperatýranyń tómendeýi) baılanysty kelesi respýblıkalyq avtojoldarda kóliktiń barlyq túrleriniń qozǵalysyna shekteý qoıyldy, - delingen habarlamada.

Aqmola oblysy: «Astana – Shiderti – Pavlodar – Ýspenka – RF shek» avtojolynyń 16-200 shaqyrym aralyǵyndaǵy ýchaskesi (Astana qalasynan Pavlodar oblysynyń shekarasyna deıin).

Pavlodar oblysy: «Astana – Ereımentaý – Shiderti» avtojolynyń 200-254 shaqyrym aralyǵyndaǵy ýchaskesi (Aqmola oblysynyń shekarasynan Shiderti aýylyna deıin). Joldy 2025 jylǵy 07 qarasha saǵat 08:00-de ashý josparlanǵan.

Osyǵan deıin 15 oblysyna aýa raıyna baılanysty eskertý jarııalanǵanyn jazdyq.