Eki oblysta kólik qozǵalysyna shekteý qoıyldy
ASTANA. KAZINFORM – Elimizdiń eki oblysynda aýa raıyna baılanysty shekteý qoıyldy, dep habarlaıdy QazAvtoJol mekemesi.
Aktsıonerlik qoǵam baspasóz qyzmetiniń habarlaýynsha, 2025 jylǵy 19 aqpan saǵat 21:00-de aýa raıynyń buzylýyna baılanysty «Dossor-Qulsary-Beıneý-Saıótes-Shetpe-Jetibaı-Aqtaý teńiz porty» avtojolynyń 3-120 shaqyrym aralyǵynda (Dossor aýyly-Qulsary aýyly) kóliktiń barlyq túriniń qoǵalysyna shekteý qoıylady.
2025 jylǵy 20 aqpan saǵat 07:00-de joldy ashý josparlanǵan.
Sondaı-aq 2025 jylǵy 19 aqpan saǵat 23:00-de aýa raıynyń buzylýyna baılanysty kelesi respýblıkalyq avtojoldarda kólik qozǵalysyna shekteý qoıyldy:
— «Jezqazǵan-Arqalyq-Petropavl» avtojolynyń 624-673 shaqyrym arylyǵy (Dostyq aýyly — Toqsan Bı aýyly);
— «Astana-Atbasar-Jaqsy-Rýzaevka-Sarykól-Qostanaı-RF shekarasy» avtojolynyń 795-834 shaqyrym aralyǵy (Chıstopole aýyly — Rýzaevka aýyly).
Jol ýchaskelerin 2025 jylǵy 20 aqpan saǵat 06:00–de ashý josparlanǵan.
Eske sala keteıik, buǵan deıin Pavlodarda jol-kólik apattarynyń sany 57%-ǵa artqanyn jazǵan edik.