Eki oblysta kólik qozǵalysyna shekteý qoıyldy

ASTANA. KAZINFORM – QazAvtoJol eki oblysta kólik qozǵalysyna shekteý qoıylǵanyn habarlady.

Búgin, 30 jeltoqsan saǵat 18:45-te aýa raıynyń buzylýyna baılanysty respýblıkalyq mańyzy bar kelesi avtojoldarda júk jáne qoǵamdyq kólik túrleri qozǵalysyna shekteý engiziledi:

Aqtóbe oblysy:

- «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtomobıl jolynyń 776-1240 shaqyrym aralyǵyndaǵy ýchaskesi (JQS «EKO oıl» - dan Qyzylorda oblysynyń shekarasyna deıin).

Qyzylorda oblysy:

- «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtomobıl jolynyń 1240-1362 shaqyrym aralyǵyndaǵy ýchaskesi (Aqtóbe oblysynyń shekarasynan Aral qalasyna deıin).

Joldy 2025 jylǵy 31 jeltoqsan saǵat 08:00-de ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady. 

Aıta keteıik, sońǵy 24 saǵatta Qostanaıda bir aılyq jaýyn-shashyn mólsheri tústi, áli de jaýyp jatyr.