Eki oblysta kóktaıǵaqqa baılanysty joldar jabyldy
ASTANA. KAZINFORM – Qaraǵandy jáne Aqmola oblystarynda kóktaıǵaqqa baılanysty jol qozǵalysyna shekteý engizildi. Bul týraly «QazAvtoJol» kompanııasy habarlady.
«KazAvtoJol UK» AQ derekteri boıynsha aýa raıynyń qolaısyzdyǵyna baılanysty qazirgi ýaqytta elimizdiń respýblıkalyq mańyzy bar avtojoldarynyń tómendegi ýchaskelerinde barlyq kólik túrlerine qozǵalys jabyq:
Aqmola oblysy:
- Jibek Joly tólem qabyldaý pýnkti – Qaraǵandy oblysynyń shekarasy;
Qaraǵandy oblysy:
- Aqmola oblysynyń shekarasy – Temirtaý tólem qabyldaý pýnkti.
Joldy 16 sáýir kúni saǵat 08:00-de ashý josparlanǵan.
Osy rette elimizdiń Tótenshe jaǵdaılar mınıstrligi aýa raıynyń nasharlaýyna baılanysty tómendegi qaýipsizdik sharalaryn saqtaý qajettigin eskertedi!
- daýyl týraly eskertýlerdi qadaǵalaý;
- joldardyń jabylýy týraly habarlamalardy eskerý;
- alys qashyqtyqqa, ásirese táýliktiń qarańǵy ýaqytynda saıahattaýdan jáne jaıaý júrýden bas tartý.
Eske sala ketsek, Qazgıdromet 16 sáýirde elimizdiń birqatar óńirinde aýa raıyna baılanysty eskertý jarııalady. Sınoptıkter keı óńirlerde nóser jańbyr men burshaq jaýatynyn eskertti.
