Eki oblysta aýa raıyna baılanysty jabylǵan jol qaıta ashyldy

ASTANA. KAZINFORM — «QazAvtoJol» Ulttyq kompanııasy Shyǵys Qazaqstan jáne Abaı oblystarynda respýblıkalyq mańyzy bar avtojoldarda kóliktiń barlyq túrlerine engizilgen shekteý alynyp, qozǵalys qalpyna keltirilgenin habarlady.

Shyǵys Qazaqstan oblysy:

— «Óskemen — Semeı» avtojolynyń 10-103-shaqyrym aralyǵy (Gerasımovka aýylynan Abaı oblysynyń shekarasyna deıin); 

— «Óskemen — Rıdder — Reseı shekarasy» avtojolynyń 15-105-shaqyrymy aralyǵy (Beloýsovka aýylynan Rıdder qalasyna deıin); 

— «Óskemen — Altaı — Úlken Naryn — Qatonqaraǵaı — Rahman qaınary» avtojolynyń 7-166-shaqyrymy aralyǵy (Ýshanovskoe aýylynan Altaı qalasyna deıin);

Abaı oblysy: 

— «Óskemen — Semeı» avtojolynyń 103-198-shaqyrym aralyǵy (Shyǵys Qazaqstan oblysynyń shekarasynan Semeı qalasyna deıin).

Ulttyq kompanııa 1403 baılanys ortalyǵyna habarlasyp, táýlik boıy qosymsha aqparat alýǵa bolatynyn eskertedi.

Aıta keteıik, keshe Shyǵys Qazaqstanda taǵy bir jolda kólik qozǵalysy shektelgenin jazdyq.

Sondaı-aq keshe Batys Qazaqstan oblysynda da kólik qozǵalysyna ýaqytsha shekteý qoıyldy.