Eki oblysta aýa raıyna baılanysty kólik qozǵalysy shekteldi

ASTANA. KAZINFORM — QazAvtoJol mamandary eki oblysta aýa raıyna baılanysty kólik qozǵalysy shektelgenin málimdedi. 

2025 jylǵy 9 naýryz saǵat 00:30-da aýa raıynyń nasharlaýyna baılanysty kóliktiń barlyq túrine kelesi respýblıkalyq avtojol ýchaskelerinde shekteý qoıyldy:

Abaı oblysy:

• «Almaty – Taldyqorǵan – Óskemen – Shemonaıha – RF shekarasy» avtojolynyń 615-768 shaqyrym aralyǵy (Aıagóz q. – Jetisý oblysynyń shekarasy).

• «Taskesken – Baqty – QHR shekarasy» avtojolynyń 0-75 shaqyrym aralyǵy (Taskesken a. burylysy «Almaty – Óskemen» avtojolynan – Úrjar a.).

Jetisý oblysy:

• «Almaty – Taldyqorǵan – Óskemen – Shemonaıha – RF shekarasy» avtojolynyń 557-615 shaqyrym aralyǵy (Úsharal q. – Abaı oblysynyń shekarasy).

Joldy 2025 jylǵy 9 naýryz saǵat 09:00-de ashý josparlanǵan.

Buǵan deıin aýa raıyna baılanysty 4 oblysta kólik qozǵalysy shektelgenin jazǵan edik.