Eki oblysta aýa raıyna baılanysty kólik qozǵalysy shekteldi

ASTANA. KAZINFORM — QazAvtoJol mamandary eki oblysta aýa raıyna baılanysty kólik qozǵalysy shektelgenin málimdedi

Derekke qaraǵanda, 5 naýryz kúni saǵat 01:00–de aýa raıynyń buzylýyna baılanysty kelesi respýblıkalyq avtojoldarda júk jáne qoǵamdyq kólik túrleriniń qozǵalysyna shekteý qoıylady:

Aqtóbe oblysy:

— «Aqtóbe-Oral-RF shekarasy» avtojolynyń 526-610 shaqyrym aralyǵyndaǵy ýchaskecinde (Batys Qazaqstan oblysy shekarasy ýchaskesi — Qobda aýyly).

Batys Qazaqstan oblysy: 

— «Aqtóbe-Oral-RF shekarasy» avtojolynyń 394-526 shaqyrym aralyǵyndaǵy ýchaskecinde (Jympıty aýyly — Aqtóbe oblysy shekarasy).

Joldy 2025 jylǵy 5 naýryz saǵat 08:00–de ashý josparlanǵan.

Aıta keteıik, turǵyndar 1403 baılanys ortalyǵyna habarlasyp, táýlik boıy qosymsha aqparat alýǵa bolady.

Búgin elimizdiń 15 óńirinde tuman túsip, burqasyn bolady.