Eki myńnan astam oqýshy ustazdarǵa arnap án shyrqady

ALMATY. KAZINFORM — Almatyda Ustazdar kúni qarsańynda eki myńnan astam oqýshy qatysqan aýqymdy fleshmob ótti. Bul týraly Almaty qalasy ákimdigi habarlady. 

«Ustazdarǵa taǵzym!» atty ánniń áýenimen balalar el ustazdaryna alǵys pen rızashylyq bildirdi.

Bul júrekjardy oryndaý ustaz eńbegine degen qurmettiń nyshanyna aınalyp, pedagogterdiń jas urpaqty tárbıeleý men bilim berýdegi ólsheýsiz úlesin aıqyndady.

Aýqymdy fleshmob ár jastaǵy mektep oqýshylaryn biriktirip, ómirin bilim berý isine arnaǵan jandarǵa arnalǵan naǵyz merekelik qoıylymǵa aınaldy.

Erekshe is-sharanyń ótýine Oraz Jandosov atyndaǵy №105 gımnazııa muryndyq boldy.

Aıta ketelik Oqý-aǵartý mınıstri Juldyz Súleımenova qazaqstandyq ustazdardy kásibı merekemen quttyqtaǵan edi.