Eki memlekettik arhıvke «Ulttyq» mártebe beriledi
ASTANA. KAZINFORM – Astanada memlekettik arhıvterge «Ulttyq» mártebe berý máseleleri jónindegi Arnaıy komıssııanyń otyrysy ótti.
Onyń qorytyndysy boıynsha Qazaqstan Respýblıkasynyń Ulttyq arhıvi men Qazaqstan Respýblıkasynyń Ortalyq memlekettik arhıvine atalǵan mártebeni berý týraly sheshim qabyldandy.
Komıssııa arhıvterdiń Qazaqstan Respýblıkasy Prezıdentiniń Jarlyǵynda belgilengen talaptarǵa sáıkestigin baǵalady. Bul rette arhıv isin damytýǵa qosqan úlesi, tarıhı-mádenı jáne ǵylymı qundylyǵy bar qujattardyń saqtalýyn ári qoljetimdiligin qamtamasyz etý deńgeıi, sondaı-aq materıaldyq-tehnıkalyq jáne tsıfrlyq ınfraqurylymynyń jaı-kúıi eskerildi.
Aıta keteıik, «Ulttyq» mártebe qyzmeti memleket pen qoǵam úshin aıryqsha mańyzǵa ıe memlekettik arhıvterge beriledi.
Jańa mártebe atalǵan arhıvterdiń elimizdiń tarıhı-mádenı murasyn saqtaý, arhıv qorlaryn tsıfrlandyrý, qundy qujattardy ǵylymı aınalymǵa engizý jáne arhıv isin odan ári damytýdaǵy erekshe ornyn aıqyndaı túsedi. Arhıvterge jańa mártebe 2027 jylǵy 1 qańtardan bastap beriledi.
Aıta ketelik Prezıdent Ulttyq arhıvtiń ujymy men ardagerlerin 20 jyldyq mereıtoımen quttyqtaǵan edi.
