Eki memlekette jer silkindi
ASTANA. KAZINFORM — Senbi kúni Japonııanyń Honsıý aralynyń ońtústik jaǵalaýynda magnıtýdasy 5,7 bolatyn jer silkinisi tirkeldi. Bul týraly Germanııanyń geofızıkalyq zertteýler ortalyǵy (GFZ) habarlady, dep jahady Sınhýa.
Aldyn ala málimet boıynsha jer silkinisiniń oshaǵy 41,6 shaqyrym tereńdikte ornalasqan. Onyń koordınattary soltústik endiktiń 34,89 gradýsy jáne shyǵys boılyqtyń 137,87 gradýsy dep anyqtalǵan.
Bir kún buryn eldegi jaǵalaýda magnıtýdasy 6,1 bolatyn jer silkinisi tirkeldi.
Sondaı-aq osy kúni Namıbııanyń soltústik-batysynda magnıtýdasy 5,1 bolatyn jer silkinisi boldy. Bul — Kamandjab aýdany mańynda sońǵy eki aptadan sál astam ýaqyt ishinde tirkelgen osyndaı magnıtýdadaǵy ekinshi jer silkinisi. Bul týraly eldiń Ónerkásip, taý-ken ónerkásibi jáne energetıka mınıstrligi málimdedi.
Mınıstrliktiń habarlaýynsha, jer silkinisi jergilikti ýaqyt boıynsha saǵat 17:22–de bolǵan. Oshaq 10 shaqyrymnan az tereńdikte ornalasqan. Epıtsentri el astanasy Vındhýktan soltústik-batysqa qaraı shamamen 400 shaqyrym jerde bolǵan.
Zardap shekkender men materıaldyq shyǵyn týraly ázirge aqparat joq.
Buǵan deıin, Qyrǵyzstannyń ońtústiginde úsh márte jer silkindi.
