Eki kúnde qar qursaýynan 300-den astam adam qutqaryldy

ASTANA. KAZINFORM –  Ótken eki táýlik ishinde aýa raıynyń nasharlaýyna, boranǵa, kóktaıǵaqqa, qatty jelge jáne nóldik kórinýge baılanysty TJM 318 adam, onyń ishinde 62 bala qutqaryp, evakýatsııalandy. Bul týraly TJM baspasóz qyzmeti habarlady.

Екі күнде қар құрсауынан 300-ден астам адам құтқарылды
Фото: ТЖМ

Sondaı-aq 38 avtomashınany qar qursaýynan shyǵardy. 142 ret avarııalyq-qutqarý jáne izdestirý-qutqarý jumystary júrgizildi. 

Aýa raıynyń nasharlaýy týraly daýyldy eskertýler men avtojoldardyń jabylýy týraly habarlamalar SMS-habarlamalar, TJM, aýmaqtyq bólimshelerdiń ınternet-resýrstary jáne áleýmettik jelileri arqyly halyqqa jetkizildi.

Jambyl oblysynda aýa raıynyń qolaısyzdyǵyna tap bolǵan 13 adam evakýatsııalandy

8 naýryzda Jambyl oblysy Jýaly aýdanynda «Almaty-Tashkent-Termez» trassasynyń jabyq ýchaskesinde tehnıkalyq aqaýlyq sebebimenı turyp qalǵan jol talǵamaıtyn avtokólikten 7 adamdy, onyń ishinde 1 balany jylytý pýnktine evakýatsııalady. Al Aqtóbe oblysy Baganın aýdany Kókbulaq aýylynan 15 km qashyqtyqta qar úıindisinde qalǵan jeńil avtokólikten TJM qutqarýshylary 5 adamdy jaqyn eldi mekenge evakýatsııalady. Oǵan qosa, Almaty oblysy Kegen aýdany Jalaýly aýylynyń mańynda qarǵa kómilip qalǵan jeńil avtokólikten 1 adamdy evakýatsııalap qutqardy. Eshkim medıtsınalyq kómekke muqtaj bolǵan joq.

TJM áskerı qyzmetshileri aýyr júk kólikterine kómekke keldi

8 naýryzda Aqtóbe oblysynyń Hromtaý aýdanynda «Don-Badamsha» avtojolynda júk kólikteri qar qursaýynda qaldy. TJM 20982 áskerı bóliminiń áskerı qyzmetshileri qar qursaýynan 5 júk kóligin shyǵardy. Medıtsınalyq kómekke eshkim de muqtaj bolǵan joq.

TJM qutqarýshylary 120 adamdy evakýatsııalady

8 naýryzda Túrkistan oblysy Túlkibas aýdany Shaqpaq aýylynyń mańynda joldyń jabyq ýchaskesinde kólikterdiń keptelisi paıda bolyp, 2 avtobýs jolda qalyp qoıdy. TJM qutqarýshylary ishinde 19 bala bar 120 jolaýshyny jaqyn jylytý pýnktine evakýatsııalady. Medıtsınalyq kómekke eshkim muqtaj bolǵan joq. Azamattar qutqarýshylarǵa jedel áreketteri úshin alǵys bildirdi.

TJM qyzmetkerleri 4 adamdy qar qursaýynan qutqardy

8 naýryzda Aqmola oblysy Jaqsy aýdany «Atbasar-Jańa Qıma» avtojolynda TJM kúshteri qarda qalǵan adamdardy evakýatsııalaý jumystaryn júrgizdi. TJM qyzmetkerleri jolda turyp qalǵan jeńil avtokólikti taýyp aldy. Olardy jolǵa súırep shyǵardy. Qutqarylǵandar medıtsınalyq kómekke muqtaj bolmady.

ShQO-da TJM qutqarýshylary 4 adamdy evakýatsııalady

8 naýryzda Kúrshim aýdanynda Quıǵan aýylynan 5 shaqyrym jerde eki jeńil kólik qar qursaýynda qaldy. Qutqarýshylar jedel túrde jol talǵamaıtyn «Trekol» kóligimen jetip, Buqtyrma sý qoımasynyń jaǵalaýynan Kúrshim aýylyna 4 adamdy evakýatsııalady. Medıtsınalyq kómekke muqtaj bolǵandar joq.

Jetisý oblysynda qar qursaýynda qalǵan 12 adam qutqaryldy

8 naýryzda Kerbulaq aýdanynda, «Saryózek-Qarashoqy» tasjolynyń 25-shaqyrymynda qarǵa batyp qalǵan jeńil kólik týraly habarlama kelip tústi. Kómek suralǵan boıda TJM qutqarýshylary oqıǵa ornyna attandy. Qutqarýshylardyń jedel áreketiniń nátıjesinde qar qursaýynan 4 jeńil kólik shyǵarylyp, 12 adam aman-esen qutqaryldy! Barlyǵy eresekter, zardap shekkender joq. Júrgizýshiler saparlaryn óz baǵyttary boıynsha jalǵastyrdy.

TJM qutqarýshylary shetel azamatyna kómekke keldi

8 naýryzda Qaraǵandy oblysynyń Aqtoǵaı aýdanynda «Astana-Qaraǵandy-Almaty» avtojolynda Ózbekstan Respýblıkasynyń azamatynyń avtokóligi synyp qaldy. Sodan keıin ol 112 qyzmetine qońyraý shalyp, kómek surady.

Qutqarýshylar jedel túrde kómekke kelip, ony Balqash qalasynyń ortalyq aýrýhanasyna jetkizdi.

Meniń kóligim Balqash qalasynan Qaraǵandyǵa qaraı 42 shaqyrym jerde synyp qaldy. Dala sýyq, boran men qar boldy. Kóliktiń peshi de jumys istemeıdi. Men ózimdi nashar sezinip, 112 jedel qyzmetine qońyraý shaldym. TJM qyzmetkerleri ýaqytynda kelip, meni Balqash qalasynyń ortalyq aýrýhanasyna jetkizdi. Men TJM qyzmetkerlerine rızamyn. Bári jaqsy, rahmet, — dedi qutqarylǵan adam.

Qaraǵandy oblysynda qar qursaýynan 4 adam qutqaryldy

9 naýryzda Buhar-Jyraý aýdanynda Qurylys aýylynyń mańynda qar qursaýynda 4 adam mingen jeńil kólik turyp qaldy. Qutqarýshylar jol talǵamaıtyn Trekol kóligimen olarǵa jetip, kólikti joldyń tazartylǵan ýchaskesine súırep shyǵardy. Olar medıtsınalyq kómekke muqtaj bolǵan joq.

TJM qyzmetkerleri qar qursaýynda qalǵan jolaýshyǵa kómekke keldi

9 naýryzda Aqtóbe oblysynyń Yrǵyz aýdanynda «Yrǵyz-Nýra» avtojolynyń 80 shaqyrymynda Gazel markaly kóligi qarda turyp qaldy. TJM qutqarýshylary vahtovka avtokóligimen kólikti tazartylǵan jolǵa tartyp shyǵardy. Jolaýshy saparyn ári qaraı jalǵastyrdy. Medıtsınalyq kómekke muqtaj bolǵan joq.

Ulytaý oblysynda qar qursaýynan 11 adam qutqaryldy

9 naýryzda Jańaarqa aýdanynda Jańaarqa aýylynan 40 shaqyrym jerde «Qaraǵandy-Samarka-Atasý-Aınabulaq» avtojolynyń jabyq ýchaskesinde adamdar mingen 2 jeńil kólik qar qursaýynda qalyp qoıdy. TJM qutqarýshylary boranda, qalyń qarly joldy eńsere otyryp, birneshe ondaǵan shaqyrymdy júrip ótip, Jańaarqa kentine 11 adamdy, onyń ishinde 6 balany qutqaryp, jetkizdi. Qutqarylǵandar medıtsınalyq kómekke muqtaj bolmady.

Qaraǵandy oblysynda qar qursaýynan 5 adam qutqaryldy

Abaı aýdanynda Aqbastaý aýylynan 5 shaqyrym jerde qar qursaýynda 3 jeńil kólik turyp qaldy. Qutqarýshylar olarǵa jetip, Aqbastaý aýylyna 5 adamdy jetkizdi. Olar medıtsınalyq kómekke muqtaj bolǵan joq.

TJM qutqarýshylary qar qursaýynda qalǵan 4 adamdy qutqardy

Aýa raıynyń nasharlaýyna baılanysty Shyǵys Qazaqstan oblysy Qaroı aýylynyń mańyndaǵy «Marqakól-Qaroı» tas jolynda jeńil avtokóligi joldan shyǵyp ketken. TJM qutqarýshylary oqıǵa ornyna kelip, jaqyn mańdaǵy eldi mekenge 4 adamdy, onyń ishinde 2 balany jetkizildi. Medıtsınalyq kómekke eshkim muqtaj bolǵan joq.

Pavlodar oblysynda qutqarýshylar tórt adamdy qar qursaýynan qutqardy

112 pýltine Jasybaı demalys aımaǵynan 10 shaqyrym jerde jolaýshylary bar jeńil avtokólik qar qursaýynda qalyp, óz jolyn jalǵastyra almaǵany týraly habarlama kelip tústi. Oqıǵa ornyna kelgen qutqarýshylar 4 adamy bar kólikti joldyń tazartylǵan ýchaskesine súırep shyǵardy. Medıtsınalyq kómek eshkimge qajet bolmady. Júrgizýshi qutqarýshylarǵa alǵysyn bildirdi.

TJM qutqarýshylary 100 adamdy qutqardy

10 naýryzda túnde Abaı oblysy «Almaty — Taldyqorǵan — Óskemen — Shemonaıha — RF shekarasynyń» a/j ýchaskesiniń jabylýyna baılanysty qutqarýshylar avtobýs jolaýshylaryna kómekke keldi. Qutqarýshylar Aıagóz q. ýaqytsha ornalastyrý pýnktine salonynda 100 adam, onyń ishinde 18 bala bolǵan 5 jolaýshylar avtobýsyn jetkizdi. Medıtsınalyq kómek eshkimge qajet bolǵan joq.

Сейчас читают