Eki kúnde 20 myńǵa jýyq talapker grant konkýrsyna ótinish berdi

ASTANA. KAZINFORM — Keshe Qazaqstanda joǵarǵy oqý oryndaryna qabyldaý komıssııasy jumysyn bastady. Senbi-jeksenbi demalys ekenine qaramastan komıssııalar grant konkýrsyna ótinim qabyldap otyr. 

Kesheli beri grantqa túsken ótinim sany 19 774 boldy. Bul — búgin keshki 19.00 kezindegi aqparat. Bul san áli óse beretini anyq. 

Munyń ishinde 17 909 ótinim ulttyq testileý ortalyǵy arqyly berilgen. 

1865 ótinim — elektrondy úkimet arqyly.  

Talapkerler men ata-analarǵa yńǵaıly bolý úshin qabyldaý komıssııalary demalys kúni de tolyq jumys istep jatyr.

Aıta keteıik, memlekettik grant konkýrsyna qatysý úshin talapkerler kez kelgen JOO bazasynda qujat tapsyra alady.