Eki kún páterde uryp-soqqan: Bopsalaýshylardan qashqan jigit 5-qabattan sekirip, aýyr jaraqat aldy
ASTANA. KAZINFORM - Іshki ister mınıstrligi bopsalaýshylar tobyn anyqtaýǵa jáne olardyń jolyn kesýge erekshe nazar aýdarady. Jyl basynan beri ІІM uıymdasqan qylmysqa qarsy kúres bólinisteri 130-dan astam osyndaı faktini anyqtap, jolyn kesti. Onyń ishinde qylmystyq toptar jasaǵan faktiler de bar, dep habarlaıdy Polisia.kz.
8 aqpanda aýyr qylmys jasady dep kúdikke ilingen Qyzylorda oblysynyń alty turǵyny Astana – Pavlodar avtojolynda ustaldy.
Mysaly, olar eki tanysyn kúshtep kólikke otyrǵyzyp, páterge alyp kelip, uryp-soǵyp, qarý-jaraqpen qorqytyp, eki kún boıy ustap, 300 myń teńge men uıaly telefondaryn tartyp alǵan.
Sonymen qatar taǵy bir mıllıon teńge talap etken. Jábirlenýshilerdiń biri qashpaq bolyp, besinshi qabattan sekirip ketip, kóp jaraqat aldy.
Kúdiktiler ekinshi jábirlenýshini kólikke otyrǵyzyp alyp, izin sýytpaq bolǵan kezde ustaldy. Bul fakti boıynsha Qylmystyq kodekstiń birneshe babymen qylmystyq is tergelip jatyr.
Oralda polıtsııa qyzmetkerleri kolledj stýdentterinen quralǵan qylmystyq topty ustady.
Olar bopsalaý, tonaý jáne alaıaqtyqpen aınalysqan. Atalǵan fakti boıynsha segiz qylmystyq is tergelýde jáne kúdiktilerdiń basqa qylmystarǵa qatysy bar-joǵyn anyqtaý boıynsha sharalar qabyldanýda.
Aqmola oblysynda eki jastar toby arasyndaǵy qaqtyǵysqa tosqaýyl qoıyldy.
Oqıǵa ornynda travmatıkalyq jáne sýyq qarý, dýbınkalar, sondaı-aq soqqy jasaýǵa arnalǵan basqa da metall jáne aǵash zattar tabylyp, tárkilendi.
Qazirgi tańda bir top adam jasaǵan buzaqylyq faktisi boıynsha is qozǵaldy.
– Barlyq fakti boıynsha kúdiktiler ustaldy. Tergeý múddesinde ózge aqparat jarııalanbaıdy. Qurmetti azamattar, eger sizder qylmystyq toptar tarapynan qol suǵýshylyqqa tap bolsańyzdar, dereý polıtsııaǵa habarlasyńyzdar. Biz sizdiń aqparatyńyzdyń qupııalylyǵyna kepildik beremiz jáne sizdi qorǵap, qaýipsizdigińizdi qamtamasyz etýge bar kúsh-jigerimizdi salamyz, – dedi departament bastyǵy – ІІM resmı ókili Shyńǵys Alekeshev.
