Eki qazaqstandyq tennısshi Prezıdent kýbogynyń shırek fınalyna shyqty
ASTANA. KAZINFORM — Elordada Prezıdent kýbogy úshin ótip jatqan ITF W15 týrnırinde qazaqstandyqtar Arýjan Saǵyndyqova men Іńkár Dúısebaı shırek fınalǵa joldama aldy.
Arýjan alǵashqy kezdesýinde otandasy Albına Kákenovany 6:0, 6:3 esebimen jeńgen. Al búgin A.Saǵyndyqova ekinshi aınalymda reseılik Darıa Zelınskaıanyń mysyn basty – 6:1, 7:5.
Endi ol jartylaı fınalǵa shyǵý úshin belorýssııalyq Vladıslava Zverevamen sheberlik baıqasady.
18 jastaǵy Іńkár Dúısenbaı birinshi aınalymda qazaqstandyq Polına Sleptsovadan aılasyn asyrǵan – 0:6, 6:0, 6:3.
Ekinshi kezdesýinde reseılik Ýstınııa Lekomtsevadan basym tústi – 6:3, 6:4. Ol shırek fınalda taǵy bir reseılik Ekaterına Haırýtdınovadan ótýge tyrysady.
Eske sala keteıik, budan buryn Tımofeı Skatovtyń Germanııadaǵy týrnıdiń shırek fınalyna shyqqanyn jazǵan edik.
Sondaı-aq Elena Rybakına Monreal týrnıriniń fınalyna bir qadam jetpeı toqtady.