UQK «Damumed» aqparattyq júıesine zańsyz qol jetkizý shemasyn áshkereledi

ASTANA. KAZINFORM - Olardyń medıtsınalyq qyzmetkerlerdiń eseptik jazbalaryn zańsyz ıemdený arqyly Densaýlyq saqtaý mınıstrliginiń «Tirkelgen halyq tirkelimi» jáne «Damumed» aqparattyq júıelerine ruqsatsyz qoldanǵany anyqtaldy.

Ulttyq qaýipsizdik komıteti prokýratýranyń úılestirýimen Jetisý oblysynyń eki turǵynyna qatysty Densaýlyq saqtaý mınıstrliginiń aqparattyq júıelerine zańsyz qol jetkizý faktisi boıynsha qylmystyq isti tergeýdi aıaqtady.

- 30 qańtarda Taldyqorǵan qalasy sotynyń sheshimi boıynsha olar Qylmystyq kodekstiń 205-babynyń 2-bóliginde jáne 208-babynyń 2-bóliginde kózdelgen qylmystardy jasaǵany úshin kináli dep tanylyp, 300 aılyq eseptik kórsetkish mólsherinde aıyppul salyndy, - delingen UQK baspasóz qyzmeti habarlamasynda.

Tergeý barysynda medıtsınalyq qyzmetkerlerdiń eseptik jazbalaryn zańsyz ıemdený arqyly olar Densaýlyq saqtaý mınıstrliginiń «Tirkelgen halyq tirkelimi» jáne «Damumed» aqparattyq júıelerine ruqsatsyz qol jetkizgeni anyqtaldy.

Eske salsaq UQK ońtústik oblystardan Astanaǵa esirtki jetkizetin arnanyń jolyn keskeni týraly jazǵan edik.