Eki qazaqstandyq balýan Azııa chempıonatynyń qola medali úshin kúresedi
AQTAÝ. KAZINFORM – Qyrǵyzstannyń Bishkek qalasynda ótip jatqan Azııa chempıonaty aıasynda áıelder kúresinen alǵashqy jartylaı fınaldyq kezdesýler ótti.
8 sáýir kúni Qazaqstan quramasynyń eki sportshysy jartylaı fınalǵa deıin jetti.
50 kelige deıingi salmaqta Maral Táńirbergenova Olımpıada chempıony ıÝı Sýsakımen (Japonııa) ótken kezdesýde merziminen buryn jeńildi. Al 76 kelige deıingi salmaqta Gúlmaral Erkebaeva mońǵolııalyq Davaanasan Enh-Amarǵa ese jiberdi.
Osy nátıjeler boıynsha eki sportshy da qola júlde úshin kúresetin bolady. Bul beldesýler 9 sáýirde ótedi. Sol kúni 68 kelige deıingi salmaqta Elena Shalygına jubanysh beldesýine shyǵady.
Eske salsaq, buǵan deıin Bishkektegi Azııa chempıonatynda áıelder kúresinen eki qazaqstandyq jartylaı fınalǵa shyqqanyn habarlaǵanbyz.
