Eki qalada aýa sapasy tómendeıdi — Qazgıdromet
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 13 qyrkúıekte Almaty, Aqtóbe qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Óskemen qalasynda aýaǵa taraǵan úsh zııandy zattyń mólsheri shekti deńgeıden asyp ketkeni anyqtaldy.
Sondaı-aq Shyǵys Qazaqstan oblysynda ekologııalyq zańnama talaptaryn buzǵan ákimder jaýapqa tartyldy.
Al Qaraǵandy oblysynda ekologııalyq zań buzýshylyqtarǵa 57 mln teńgeden astam aıyppul salyndy.
