Kýbalyq kásipqoı boksshy Jánibek Álimhanulyn jekpe-jekke shaqyrdy
ASTANA.KAZINFORM — Kýbalyq kásipqoı boksshy Ioenlıs Ernandes orta salmaqtaǵy WBO tujyrymy boıynsha álem chempıony Jánibek Álimhanulyn jekpe-jekke shaqyrdy.
Kýbalyq boksshy Fight Hype Youtube arnasyna bergen suhbatynda joǵary deńgeıli jekpe-jekterge daıyn ekenin málimdedi.
Ioenlıs Ernandes aldaǵy jekpe-jekterde WBA álem chempıony Erıslandı Lara, WBC álem chempıony Karlos Adames nemese WBO álem chempıony qazaqstandyq Jánibek Álimhanuly sııaqty qarsylastarynyń bolýy múmkin ekenin atap ótti. Sondaı-aq, ol IBF chempıonymen judyryqtasýdy da josparlaıtynyn aıtty.
- Eger bizge múmkindik berilse, biz Álimhanulyn qosa alǵanda, kez kelgen chempıonmen jekpe-jekke shyǵýǵa daıynbyz,- deıdi sportshy.
Aıta keterligi, Ioenlıs Ernandes kásipqoı rıngke 2022 jyly kelip, 9 jekpe-jek ótkizip, barlyǵynda jeńiske jetken.
Sportshy Kýba quramasy sapynda 2021 jyly jáne 2023 jylǵy álem chempınony atanǵan.
Osyǵan deıin habarlaǵanymyzdaı, Halyqaralyq boks federatsııasy (IBF) qazaqstandyq boksshy Jánibek Álimhanulynyń orta salmaqtaǵy álem chempıony tıtýlyn alyp tastaý týraly qatań sheshim qabyldady.
Eske salaıyq, WBO uıymy Álimhanulynyń álem chempıony tıtýlyn saqtap qaldy, biraq ony bir jylǵa dıskvalıfıkatsııalady.
