Eki aıdan astam eńbekke ýaqytsha jaramsyzdyq merzimi belgilengen aýrýlar tizbesi naqtylanady
ASTANA. KAZINFORM — Eki aıdan astam eńbekke ýaqytsha jaramsyzdyq merzimi belgilengen aýrýlar tizbesi naqtylandy. Osyǵan qatysty Densaýlyq saqtaý mınıstriniń buıryq jobasy ashyq normatıvtik-quqyqtyq aktiler portalynda jarııalandy.
Vedomstvo málimetinshe, normatıvtik quqyqtyq aktiniń jobasy densaýlyq saqtaý salasyndaǵy quqyqtyq retteýdi jetildirý, sondaı-aq aýrýlardyń tizbesin Aýrýlardyń halyqaralyq jiktemesiniń tıisti kodtarymen tolyqtyrý arqyly naqtylaý maqsatynda ázirlendi.
— Densaýlyq saqtaý mınıstrligi eńbekke ýaqytsha jaramsyzdyq merzimi eki aıdan asatyn aýrýlardyń tizbesin naqtylaýdy josparlap otyr. Ózgerister qujattaǵy aýrýlardy búkil el boıynsha birkelki jáne birkelki anyqtaýǵa baǵyttalǵan. Tıisti túzetýler qoldanystaǵy aýrýlar tizbesine ózgerister engizý týraly buıryqtyń jobasynda kózdelgen. Aýrýlardyń ataýlaryn aýrýlardyń halyqaralyq jiktemesiniń (AHJ) tıisti kodtarymen tolyqtyrý usynylady. Bul aýrýdy dál anyqtaýǵa jáne tizimdi praktıkada qoldaný kezinde ártúrli túsindirýdi boldyrmaýǵa múmkindik beredi. Osylaısha, ózgerister naqtylaý sıpatyna ıe jáne qoldanystaǵy retteýdi jetildirýge jáne aýrýlar tizimimen jumys isteý kezinde biryńǵaı tásilderdi qalyptastyrýǵa baǵyttalǵan, — dep atap ótedi mınıstrlikten.
Jobany qabyldaý zańnama normalarynyń biryńǵaı qoldanylýyn qamtamasyz etýge, jekelegen aýrýlardy ártúrli túsindirýdi boldyrmaýǵa jáne tizbeni praktıkada qoldaný kezinde aýrýlardy sáıkestendirýdiń dáldigin arttyrýǵa múmkindik beredi.
Qujat 5 qazanǵa deıin qoǵamdyq talqylaýǵa shyǵarylǵan.
Buǵan deıin kásiptik eńbekke qabilettilikten aıyrylý dárejesi qalaı aıqyndalatynyn jazǵan edik.
