Eki aıda Ózbekstanda 8 esirtki zerthanasy anyqtaldy
TAShKENT. KAZINFORM – 2026 jyldyń alǵashqy eki aıynda Ózbekstannyń quqyq qorǵaý organdary 8 zerthanany anyqtap, 375 keli esirtki tárkiledi, dep habarlaıdy Kazinform agenttiginiń Tashkenttegi menshikti tilshisi.
Esirtki jáne qarý aınalymyn baqylaý agenttiginiń málimetinshe, qamtylyp otyrǵan kezeńde 146 keli gashısh, 113 keli marıhýana tárkilendi. Sondaı-aq, 116 keli túrli psıhotroptyq zattar aınalymnan alyndy.
Qosa ketsek, byltyr jeltoqsanda Qazaqstannan Ózbekstanǵa mefedron alyp ótpek bolǵan azamat ustaldy.
Buǵan deıin Ózbekstan Qaýipsizdik keńesi hatshysynyń orynbasary Bahodır Tashmatov Ortalyq Azııa arqyly jylyna 90 tonnaǵa jýyq geroın ótetini jaıly málimdep edi.
Munymen qatar Esirtkige qarsy kúres jónindegi Ortalyq Azııa úılestirý ortalyǵynyń keńsesi Astanaǵa kóshirilmek.
Ózbekstanda gaz quıý stantsııalarynyń jumysyna shekteý engiziledi.