Eki aıda Qazaqstan men Ózbekstan arasyndaǵy taýar aınalymy 830 mln dollardan asty
TAShKENT. KAZINFORM – Qańtar-aqpan aılarynyń qorytyndysy boıynsha Qazaqstan Ózbekstannyń negizgi saýda seriktesteriniń úshtiginde qaldy, dep habarlaıdy Kazinform agenttiginiń Tashkenttegi menshikti tilshisi.
Ózbekstan Ulttyq statıstıka komıtetiniń aqparatyna saı, eki aıda eldiń syrtqy saýda aınalymy 11,6 mlrd dollarǵa jetip, 2025 jyldyń sáıkes kezeńimen salystyrǵanda 7,1%-ǵa ósti. Qańtar-aqpanda kórshiles memleket álemniń 160 elimen saýda-sattyq jasady.
Ózbekstannyń negizgi saýda seriktesteri kóshin Qytaı bastap tur. Eki memleket arasyndaǵy taýar aınalymy 3,1 mlrd dollardan (jalpy kólemniń 27,5%-y) asty.
Al saýda-sattyqtyń 18,3%-y Reseıdiń úlesine tıesili. Bul elmen aradaǵy eksport-ımport kólemi 2,1 mlrd dollardan artyq.
Sondaı-aq, kóshbasshylardyń úshtigin Qazaqstan túıindeıdi. Resmı Astana men Tashkent arasyndaǵy taýar aınalymy 837,5 mln dollardan (7,2%) asty. Bul 2025 jyldyń sáıkes kezeńimen salystyrǵanda 177,1 mln dollarǵa kóp.
Qamtylyp otyrǵan kezeńde Ózbekstan 160,4 mln dollardyń taýaryn eksporttap, 677 mln dollardan astam somaǵa ónim ımporttaǵan.
Eske salaıyq, búgin Tashkentte Qazaqstan men Ózbekstan Syrtqy ister mınıstrlikteriniń ózara yntymaqtastyq baǵdarlamasy qabyldandy.
Qosa ketsek, bıyl qańtarda resmı Astana men Tashkent arasyndaǵy taýar aınalymy 400 mln dollardan asqan edi.
Sondaı-aq, bıyl alǵashqy eki aıda 380 myńnan astam qazaqstandyq Ózbekstanǵa saıahattap barǵan.
