Eki aıda 380 myńnan astam qazaqstandyq Ózbekstanǵa saıahattap barǵan
TAShKENT. KAZINFORM — Bıyl alǵashqy eki aıda Ózbekstanǵa 1,7 mıllıonnan astam sheteldik saıahattap keldi, dep habarlaıdy Kazinform agenttiginiń Tashkenttegi menshikti tilshisi.
Ózbekstan Ulttyq statıstıka komıtetiniń málimetinshe, eki aıda sheteldik týrısterdiń sany 33%-ǵa ósti. Saıahatshylardyń kóbi Qyrǵyzstan (521,1 myń adam), Tájikstan (469myń adam) jáne Qazaqstannan (386,2 myń adam) kelgen.
Sondaı-aq, Reseı (123,3 myń adam), Aýǵanstan (83,6 myń adam) jáne Túrikmenstan (51 myń adam) azamattarynyń úlesi basym.
Komıtettiń málimetinshe, saıahatshylardyń kóbi Tashkent, Samarqand, Buhara jáne Hıýa qalalarynyń kórikti jerlerin aralaǵan.
Qosa ketsek, taıaýda Ózbekstan Memlekettik keden komıtetiniń Strategııalyq josparlaý jáne kedendik rásimderdi ońtaılandyrý basqarmasynyń bastyǵy Farhod Olımjonov Kazinform agenttigine suhbat berip, saıahatshylar qaperde ustaýy tıis erejelerdi aıtqan edi.
Sondaı-aq, qańtarda Qazaqstan men Ózbekstan arasyndaǵy taýar aınalymy 400 mln dollardan asty.
