Eki aıda 155 myń qazaqstandyq Ózbekstanǵa saıahattap barǵan

TAShKENT. KAZINFORM — Bıylǵy eki aıda Ózbekstanǵa 150 myńnan astam qazaqstandyq týrıst barǵan, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan Statıstıka agenttiginiń málimetinshe, 2024 jyldyń qańtar-aqpan aralyǵynda bul elge týrıstik maqsatta 974,2 myń sheteldik azamat kelgen.

Ótken jyldyń sáıkes kezeńimen salystyrǵanda saıahatshylar sany 11,9%-ǵa kóp.

Bul rette Ózbekstanǵa kelgen týrıster kóshin Tájikstan (363,4 myń týrıst) bastap tur.

Odan keıingi oryndarǵa 291,1 myń týrıstpen Qyrǵyzstan jáne 155,9 myń saıahatshymen Qazaqstan jaıǵasqan.

Eske salaıyq, byltyr 1,2 mln qazaqstandyq Ózbekstanǵa týysqandarymen kórisý úshin barǵan.