Eki kólik janyp ketti — Oralda garajdan shyqqan órt úıdi de sharpydy
ORAL. KAZINFORM – Oralda garajǵa qosa órt úıdi de sharpyp, eki avtokólik janyp ketti. BQO Tótenshe jaǵdaılar departamentiniń baspasóz qyzmetinen málim etkenindeı, oqıǵa 21 qańtar kúni «Zachaganskıı» baý-baqsha seriktestiginde boldy.
«Beıbitshilik kóshesi, 36» mekenjaıynda saǵat 05:11-de aldymen 28 sharshy metr aýmaqta garaj otqa orandy. Sodan keıin jalyn turǵyn úıge aýysyp, 15 sharshy metr qosymsha qurylys, asúı jáne tóbe jaqtaýlary jandy. Garajdyń ishindegi Seat Alhambra jáne syrtynda turǵan VAZ-2110 avtokóligi órtenip ketti. «Tilsiz jaý» saǵat 06:26-da oqshaýlanyp, 06.45-te tolyqtaı aýyzdyqtaldy. Oqıǵa ornynda 12 adam 4 tehnıkamen jumys istedi. Zardap shekkender joq. Qazirgi kezde órttiń shyǵý sebebi, keltirilgen shyǵyn anyqtalý ústinde», - dep habarlady vedomstvodan.
Eske sala keteıik, budan buryn Batys Qazaqstan oblysynda 10 jol bóligi jabyq turǵanyn jazǵan bolatynbyz.
