Eki aptadan keıin Mustafa Óztúrik týraly kórkem fılm túsirile bastaıdy

ASTANA. KAZINFORM – Qazaqstan taekvondo federatsııasynyń prezıdenti Qudiret Shámıev eki aptadan keıin Mustafa Óztúrik týraly kórkem fılmniń túsirilimi bastalatynyn aıtty.

Jibek Joly telearnasyndaǵy «Ýáde» baǵdarlamasynda Qudiret Shámıev qazaq taekvondosynyń negizin qalaýshy Mustafa Óztúrikke Gonkongtaǵy Brıýs Lıdiń eskertkishi sııaqty eskertkish ornatý josparda bar ekenin aıtty.

— Eskertkish oıda bar. Álbette, laıyqty adam. Bul tosyn syıdyń biri bolǵan. Biraq siz bas shetin ózińiz aıtyp kettińiz, aıtaıyn. Mustafa týraly fılmniń túsirilimi eki aptadan keıin bastalady. Tek Mustafa Óztúrik týraly emes, jalpy taekvondo sporty týraly, koreı men qazaq halqynyń dostyqty nasıhattaıtyn kórkem fılm bolady. Ony ózimiz, federatsııanyń qarjysyna túsirip jatyrmyz. Ondaǵy maqsat, bul jerden aqsha taýyp prokatqa shyǵyp ketý emes, taekvondony nasıhattaı otyryp, batyrdyń rýhyn jańǵyrtý, — dedi ol.

Buǵan deıin 24-30 qazan kúnderi Qytaıdyń Ýsı qalasynda ótetin álem birinshiligine Qazaqstan atynan qaı taekvondoshylar qatysatynyn jazǵan edik.