Eki aptadan beri Almatyda aýa sapasy jaqsarmaı tur
ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.
— 2025 jylǵy 26 shildede qolaısyz meteorologııalyq jaǵdaılar Almaty qalasynda kútiledi, — delingen habarlamada.
«Qazgıdromettiń» buǵan deıingi boljamdaryna sáıkes 12 shildeden beri Almaty qalasynyń aýa sapasy nasharlaǵan qalalar tiziminen túspeı turǵany anyqtaldy.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Buǵan deıin Almatymen qosa Óskemende aýa sapasy nasharlaıtyny habarlandy.