EYDU sarapshylary Qazaqstannyń statıstıkany jetildirý baǵytyndaǵy jumysyn baǵalady
ASTANA. KAZINFORM – Qazaqstan Respýblıkasynyń ulttyq statıstıkalyq júıesin nyǵaıtýǵa arnalǵan úsh jyldyq joba aıasynda Ekonomıkalyq yntymaqtastyq jáne damý uıymynyń sarapshylary resmı statıstıkanyń sapasyn, ashyqtyǵyn jáne halyqaralyq salystyrmalylyǵyn arttyrýǵa baǵyttalǵan sholýdyń qorytyndy kezeńin ótkizdi.
Jumys qorytyndysy boıynsha sarapshylar Qazaqstannyń jalpy ishki ónim (JІÓ) kórsetkishterin esepteý tásilderin joǵary baǵalap, álemde aı saıyn JІÓ esepteıtin elder sany az ekenin atap ótti. Olar bul tájirıbeni zerdeleýge qyzyǵýshylyq tanytty.
Sarapshylar derekterdiń balamaly kózderin engizý, aqparat sapasyna basa nazar aýdarý, respondentterdiń esep berý júktemesin azaıtý arqyly derekter jınaý úderisin ońtaılandyrý jáne ákimshilik derekterdi qoldaný áleýetin damytý arqyly qaıtalanýdy boldyrmaý jumysyn joǵary baǵalady.
Sonymen qatar sarapshylar Qazaqstannyń statıstıka salasyndaǵy kóshbasshy elderdiń qataryndaǵy ornyn nyǵaıtý úshin «tsıfrlyq ál-aýqat» jónindegi zertteý júrgizý sııaqty jańa baǵyttardy qarastyrýdy usyndy.
2025 jylǵy shildede EYDU Qazaqstannyń Tıisti statıstıkalyq praktıka jónindegi EYDU Keńesiniń usynym talaptaryna tolyq sáıkes keletinin resmı túrde rastady. Bul mańyzdy halyqaralyq moıyndaý boldy – Qazaqstan osy standartqa qosylǵan 44-shi qatysýshy el jáne EYDU aımaǵynan tys alǵashqy seriktes memleket atandy.
Eske sala keteıik, buǵan deıin Qazaqstan statıstıkasyna 105 jyl tolǵanyn jazǵan edik.