Egizdiń syńaryn áýejaıda qaldyryp ketken: Air Astana 5 mln teńge moraldyq shyǵyn óteıdi

ASTANA. KAZINFORM – Bıyl jazda FlyArystan áýe kompanııasynyń qyzmetkerleri Astanadan Oral qalasyna jolǵa shyqqan egiz jasóspirimniń birin áýejaıda qaldyryp ketken. Bul týraly egizdiń anasy Jazıra Mýsına óziniń áleýmettik paraqshasyna jazyp, arty shýǵa aınalǵan edi.

«Sot Air Astana áýe kompanııasyna Zereniń anasyna 5 000 000 teńge kóleminde moraldyq shyǵyn óteýge mindettedi», — dep jazdy egizdiń anasy Jazıra Mýsınanyń advokaty jelidegi Dánilhan Shaǵataev jeke paraqshasynda. 

Advokattyń aıtýynsha, áýe kompanııasy bastapqyda shaǵymǵa atústi qaraǵan, iske qoǵamdyq narazylyqtan keıin mán bergen. 

«Bul birinshi jaǵdaı emes, sondyqtan biz kámeletke tolmaǵan jolaýshylardyń quqyqtaryn qamtamasyz etýde naqty ózgeristerge qol jetkizý úshin sońyna deıin barýǵa sheshim qabyldadyq. Qazir komıtet túzetýler boıynsha jumys istep jatyr», — deıdi ol. 

Eske salsaq, keleńsiz jaıt bıyl tamyzda bolǵan edi.  Oral qalasynyń qos turǵyndary egiz — Záýre men Zere Amerıkadaǵy til mektebinen Astana arqyly keri ushyp shyqqan. Elordaǵa aman jetken qos jasóspirimniń biri Astana — Oral baǵytynda ushqan «FlyArystan» áýekompanııasynyń ushaǵynan qalyp qoıǵan. 

Keıin FlyArystan basshysy Oralda egizderdiń anasy Jazıra Mýsınamen kezdesti. 

Araǵa ýaqyt salyp FlyArystan basshysy balanyń áýejaıda qalyp qoıý oqıǵasyna qatysty keshirim surady.