EgyptAir ushaǵynyń qulaýyna tútin jaıly jalǵan dabyl sebep bolýy múmkin
ASTANA. QazAqparat - Tútin jaıly jalǵan dabyldan keıingi ushqyshtardyń áreketi EgyptAir ushaǵynyń apatqa ushyraýyna sebep bolýy múmkin, dep habarlady The Wall Street Journal aqparat kózderi. Basylym aqparat kózderiniń málimetinshe, dabyl ekıpajdyń «qajetsiz jáne qaýipti» áreketterge ıtermeledi.
Basylym habarlaǵandaı, mundaı modeldi ushaqtarda tútin datchıkteriniń iske qosylýy tıisti qaýipsizdik júıesiniń, sonyń ishinde ushýdy basqarýdy qorǵaýdyń avtomatty júıesiniń isten shyǵýy sebep bolýy múmkin.
Aqparat kózi aıtqandaı, qazir ekıpaj abaısyzda laınerdiń mańyzdy júıelerin sóndirdi nemese ózge de qaýipti sharalardy paıdalandy degen nusqalar tergeýge negiz bolyp otyr.
Buryn frantsýz kemesi EgyptAir ushaǵynyń «qara jáshigin» izdeýge qosylatyny týraly habarlanǵan.
19 mamyrda Parıjden Kaırge ushqan EgyptAir áýe kompanııasynyń A320 ushaǵy Kaır ýaqytymen saǵat 2.30 Jerorta teńiziniń ústinde radarlardan joıylǵan. Ushaq bortynda 66 adam bolǵan, olardyń 56-sy jolaýshylar. Solardyń ishinde 30 Mysyr azamaty, 15 Frantsııa azamaty, sonymen qatar 11 ózge elderdiń ókili bolǵan.
