Egis alqaby qýrap ketken jambyldyq sharýalarǵa 3,7 mlrd teńge bólinedi

Qýańshylyqtan egis alqaby qýrap ketken Jambyl oblysyndaǵy sharýalarǵa ótemaqy berý úshin Úkimet rezervinen 3,7 mlrd teńge bólinedi. Tıisti qaýly Ashyq NQA portalynda jarııalandy, dep habarlaıdy QazAqparattilshisi. 
 

«QR Úkimetiniń tótenshe rezervinen tabıǵı sıpattaǵy tótenshe jaǵdaıdyń saldarynan agroónerkásip kesheni sýbektilerine kelgen zııandy óteýge Jambyl oblysynyń ákimdigine aǵymdaǵy nysanaly transfert túrinde aýdarý úshin 3 756 300 171 teńge somasynda qarajat bólinsin. Qarjy mınıstrligi zańnamada belgilengen tártippen bólingen qarajattyń maqsatty paıdalanylýyn baqylaýdy qamtamasyz etsin. Jambyl oblysynyń ákimdigi 1 jeltoqsanǵa deıingi merzimde Aýyl sharýashylyǵy mınıstrligine bólingen qarajatty maqsatty paıdalaný jónindegi esepti usynsyn», - delingen Úkimet qaýlysynyń jobasynda.

Tańerteń ótken Úkimet otyrysynda Premer-Mınıstr Álıhan Smaıylov tıisti qaýly búgin qabyldanatynyn aıtyp edi. 

Eske salaıyq, 22 tamyzda Premer-Mınıstrdiń ókimimen sý tapshylyǵy bolǵan Jambyl oblysyndaǵy 6 aýdanda óńirlik aýqymdaǵy tabıǵı sıpattaǵy tótenshe jaǵdaı jarııalandy.

Artynsha egis alqaby qýrap ketken jambyldyq sharýalardyń shyǵyny óteletini belgili boldy.