eGov júıesinde qaýipsizdik kúsheıtildi: eki faktorly rastaý iske qosyldy
ASTANA. KAZINFORM — «Ulttyq aqparattyq tehnologııalar» AQ Ulttyq kýálandyrýshy ortalyqtyń jeke kabınetinde paıdalanýshylardy avtorızatsııalaý tártibine ózgerister engizilgenin habarlady.
Endi júıege kirý úshin elektrondyq tsıfrlyq qoltańba men qupııasózden bólek, SMS-kod nemese eGov Mobile qosymshasy arqyly qosymsha rastaýdan ótý qajet. Jańa talap paıdalanýshylardyń akkaýnttaryn qorǵaýdy kúsheıtýge jáne derbes derekterdiń qaýipsizdigin qamtamasyz etýge baǵyttalǵan.
Endi jeke kabınetke kirý úshin elektrondyq tsıfrlyq qoltańba men qupııasózden bólek, kelesi tásilderdiń biri arqyly qosymsha rastaýdan ótý qajet:
- Qazaqstan Respýblıkasynyń Mobıldi azamattar bazasynda tirkelgen uıaly telefon nómirine SMS arqyly jiberiletin bir rettik kodty engizý;
- eGov Mobile qosymshasyndaǵy «Jeke kýálik» tsıfrlyq qujatynan alynatyn kodty engizý.
Bul mehanızm Mobıldi azamattar bazasynda telefon nómiri tirkelmegendikten Qazaqstan Respýblıkasynyń rezıdenti bolyp tabylmaıtyn tulǵalarǵa qoldanylmaıdy.
Qosymsha tekserý kezeńi paıdalanýshylardyń eseptik jazbalaryn qorǵaýǵa jáne derbes derekterge ruqsatsyz qol jetkizýdiń aldyn alýǵa baǵyttalǵan.
Buǵan deıin Aitu men eGov-qa tegin qoljetimdilik zańmen bekitiletinin jazdyq.
