Egov-taǵy elektrondy qujatyńyzda qate ketse, ózińiz túzete alasyz
Málimetterdi túzetýdiń segiz servısi eGov.kz elektrondy úkimet portalynda jáne eGov Mobile mobıldi qosymshasynda qoljetimdi. Servıster memlekettik organdardyń aqparattyq júıesindegi qate derekterdi ózektendirýge jáne bolashaqta memlekettik qyzmetterdi kedergisiz alýǵa múmkindik beredi, dep habarlaıdy Kazinform.
Otbasy (neke, týý, nekeni buzý, bala asyrap alý, áke bolýdy anyqtaý, aty-jónin ózgertý, qaıtys bolý), vaktsınatsııa pasportyndaǵy aımaq, kólik quraldarynyń qate málimetteri týraly, mindetti memlekettik tirkeýge jatpaıtyn jyljymaly múliktiń kepili jáne áskerı qyzmet týraly málimetterdi ózektendirip jáne durys emes derekter anyqtalǵan jaǵdaıda óz málimetin túzetýge bolady.
Zańdy tulǵanyń jáne jyljymaıtyn múlik obektileriniń ataýy men ornalasqan jeri týraly málimetter de ózektendirýge jatady.
Sondaı-aq, bilim týraly málimetterdi túzetýge, atap aıtqanda, JOO dıplomdary men TjKB, attestat derekterin ózektendirýge múmkindik bar.
«Ózderińiz biletindeı, azamattyń páteri nemese avtokóligi týraly derekter memlekettik organdardyń túrli derekter bazasynda ornalasqan. Onyń ishinde bul málimetter paıdalanýshynyń eGov.kz jáne eGov Mobile jeke kabınetinde kórsetiledi. Keı jaǵdaıda málimetter durys bolmaýy múmkin. Al ol memlekettik qyzmetterdi alý múmkindigine áser etedi. Endi azamattardyń ómirin jeńildetý úshin biz memlekettik organdarmen birlesip málimetterdi túzetýdiń 8 servısin jasadyq. Mysaly, eger sizde otbasy nemese bilim týraly qujattarda durys emes aqparat bolsa, qujattyń túpnusqasynyń fotosýretin nemese t. b. qajetti málimetterdi qosyp ótinish bere alasyz. Ótinim óńdeledi jáne málimetterdi tıisti memlekettik organ túzetedi», — deıdi «Ulttyq aqparattyq tehnologııalar» AQ basqarma tóraǵasy Rostıslav Konıashkın.
eGov.kz portalyndaǵy qateni myna siltemeler arqyly túzete alasyz:
- Vaktsınatsııa boıynsha málimetterdi túzetý
- Kólik quraldarynyń qate málimetterin túzetý
- Zańdy tulǵanyń ataýlaryn, ornalasqan jerin túzetý
- Mindetti memlekettik tirkeýge jatpaıtyn jyljymaly múliktiń kepili týraly málimetterdi ózektendirý (túzetý)
- «Jyljymaıtyn múlik tirkelimi» memlekettik derekter bazasy» aqparattyq júıesindegi jyljymaıtyn múlik obektileriniń qate málimetterin túzetý
- Azamattyq hal aktisin tirkeý týraly málimetterdi ózektendirý (túzetý)
- Áskerı qyzmet týraly málimetterdi ózektendirý (túzetý)
- Bilim týraly qujattar týraly málimetterdi ózektendirý (túzetý)
Málimetterdi túzetý úshin mindetti óristerdi toltyryp, máseleni sıpattap, qajet bolǵan jaǵdaıda qujattyń kóshirmesin tirkep qyzmetke qol qoıý qajet.
Sondaı-aq, «Túzetý qyzmetteri» eGov Mobile mobıldi qosymshasyndaǵy basty bette de tur.
Qyzmet kórsetý nátıjesi málimetterdi ózektendirý týraly habarlama nemese qyzmet kórsetýden bas tartý týraly dáleldi jaýap nysanynda jeke kabınetke jiberiledi.
