eGov-taǵy aqaý. Avıatsııa komıteti áýejaı jolaýshylaryna eskertý jasady

ASTANA. KAZINFORM — Azamattyq avıatsııa komıteti eGov portalyndaǵy tehnıkalyq aqaýlarǵa qatysty búgin ushyp shyǵatyn barsha jolaýshyǵa eskertý jasady.

— «Ulttyq aqparattyq tehnologııalar» AQ málimetinshe, memlekettik organdardyń serverlik ortalyǵynyń ınfraqurylymyndaǵy tehnıkalyq aqaýlarǵa baılanysty eGov portalynyń birqatar qyzmeti men eGov Mobile mobıldi qosymshasy ýaqytsha qoljetimsiz. Tsıfrlyq qujattardyń ýaqytsha júktelmeýine baılanysty Qazaqstan Respýblıkasynyń áýejaılarynda jolaýshylarǵa jeke basty kýálandyratyn qujattyń túpnusqasyn ózderimen birge alyp júrýdi usynamyz, — delingen habarlamada.

Buǵan deıin habarlanǵandaı, birneshe memlekettik portaldyń jumysynan tehnıkalyq aqaý shyqty.

Keıinnen Tsıfrlyq damý mınıstrligi uıaly baılanys pen Meta (Facebook, Instagram, WhatsApp) servısterine qoljetimdilik boıynsha qazirgi máseleler ǵalamdyq sıpatqa ıe ekenin málim etti.