eGov-ta jańa qyzmet qosyldy: zańsyz tirkelgen SIM-kartany anyqtaýǵa bolady

ASTANA. KAZINFORM – Egov-ta bir JSN boıynsha tirkelgen uıaly telefon nómirleriniń sanyn tekserýge arnalǵan jańa qyzmet qosyldy. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málim etti. 

министр
Фото: Солтан Жексенбеков / Kazinform

Onyń aıtýynsha, bul múmkindik SIM-kartany zańsyz tirkeý is-qımyldarymen kúresýge jaǵdaı jasaıdy.

— Osy turǵyda eGov-ta naqty JSN boıynsha SIM-kartalar sanyn tirkeýdi tekserýdiń jańa qyzmeti iske qosylǵanyn habarlaımyn. Sondyqtan endi eGov júıesinde ózińizdiń JSN-di engizý arqyly atyńyzǵa neshe uıaly telefon nómiri tirkelgenin ońaı tekserýge bolady. Eger naqty paıdalanyp otyrǵan nómirler boıynsha sáıkessizdik bolsa, onda uıaly baılanys operatoryna dereý habarlasyp, qalǵandaryn buǵattaı alasyz, - dedi vedomstvo basshysy Parlament Májilisinde tilshiler suraǵyna jaýap bere otyryp.

eGov
Foto: egov.kz

Budan buryn habarlanǵandaı, búgin Májilis Astana Hub pen Innovatsııalyq tehnologııalar parkin biriktirý týraly zań jobasyn birinshi oqylymda maquldady.

Сейчас читают