eGov-ta shekaradan ótkeni týraly anyqtamany onlaın alýǵa bolady
ASTANA. KAZINFORM — Endi Qazaqstan azamattary eGov.kz portaly men eGov Mobile qosymshasy arqyly Memlekettik shekarany kesip ótkenin rastaıtyn anyqtamany onlaın ala alady. Elektrondyq qujat tegin rásimdeledi jáne 2017 jylǵy 1 qańtardan bastap qazirgi kúnge deıingi derekter boıynsha qalyptastyrylady.
eGov.kz portalynyń jáne eGov Mobile mobıldi qosymshasynyń paıdalanýshylary endi tańdalǵan kezeń boıynsha Qazaqstan Respýblıkasynyń Memlekettik shekarasyn kesip ótý faktileri týraly anyqtamany onlaın túrde ala alady. Qujat elektrondyq formatta qalyptastyrylady jáne Jeke kabınetten júktep alýǵa qoljetimdi.
Anyqtamada aqparattyq júıede kózdelgen shekarany kesip ótý kúni men ýaqyty, marshrýty, qozǵalys baǵyty, reıs jáne kólik quralynyń nómiri, kirgen nemese shyqqan eli jáne ótkizý pýnkti týraly málimetter kórsetiledi.
eGov.kz portalynda anyqtama alý úshin paıdalanýshyǵa:
- eGov.kz portalynda avtorızatsııadan ótý;
- «Qazaqstan Respýblıkasynyń Memlekettik shekarasynan kesip ótý týraly anyqtama berý» qyzmetin tańdaý;
- anyqtamanyń kimge rásimdeletinin kórsetý: «Ózine», «Kámeletke tolmaǵan balaǵa» nemese «Zańdy ókil (áreketke qabiletsiz nemese áreket qabileti shekteýli kámeletke tolǵanǵandarǵa)»;
- málimetter qajet bolatyn ýaqyt aralyǵyn kórsetý;
- «Qol qoıý jáne anyqtamany alý» batyrmasyn basý;
- ótinishke qoljetimdi tásilderdiń birimen qol qoıý qajet.
Óńdeý aıaqtalǵannan keıin elektrondyq anyqtama eGov.kz portalyndaǵy «Meniń profılim — Jeke kabınet» bóliminde qazaq jáne orys tilderinde qoljetimdi bolady. Eger kórsetilgen kezeńde shekaradan ótkeni týraly málimetter bolmasa, ol jaıly da anyqtamada kórsetiledi. Suraýdy 2017 jylǵy 1 qańtardan bastap qazirgi kúnge deıingi ýaqyt aralyńyna qalyptastyrýǵa bolady, bul rette tańdalǵan kezeń úsh aıdan aspaýy tıis. Qyzmet kórsetý merzimi — 15 mınýtqa deıin.
eGov Mobile mobıldi qosymshasy arqyly anyqtamany alý úshin kelesi qakdamdardy retimen oryndaý kerek:
«Basty bet» bóliminde «Qazaqstan Respýblıkasynyń Memlekettik shekarasynan kesip ótý týraly anyqtama berý» qyzmetin tańdaý qajet.
Qyzmet JSN bar bolǵan jaǵdaıda QR azamattaryna qoljetimdi jáne tegin kórsetiledi. Shetel azamattary úshin QR Memlekettik shekarasynan ótkeni týraly anyqtamany QazETA portaly arqyly alýǵa bolady.
Anyqtamany ózine, kámeletke tolmaǵan balaǵa, sondaı-aq zańnamada kózdelgen jaǵdaılarda ótinish berýshi onyń zańdy ókili bolyp tabylatyn áreketke qabiletsiz nemese áreket qabileti shekteýli kámeletke tolǵan adamǵa rásimdeýge bolady. Anyqtamany balaǵa rásimdeý kezinde ol týraly málimetter azamattyq hal aktilerin tirkeý organdarynyń (AHAT) aqparattyq júıelerindegi derekter negizinde avtomatty túrde júkteledi.
Anyqtama smartfondy nemese planshetti shetelden ózdiginen ákelip, ony Qazaqstan operatorlarynyń jelilerinde jeke paıdalaný úshin IMEI-kodyn tirkeıtin azamattarǵa da qajet bolýy múmkin.
Áreketke qabiletsiz nemese áreket qabileti shekteýli kámeletke tolǵan adamǵa, qorǵanshylyqtaǵy áreketke qabiletsiz balaǵa anyqtamany rásimdeý kezinde paıdalanýshyǵa QR Oqý-aǵartý mınıstrligi men QR Eńbek jáne halyqty áleýmettik qorǵaý mınıstrliginiń aqparattyq júıelerindegi derekter negizinde qalyptastyrylǵan tizimnen tıisti adamdy tańdaý múmkindigi beriledi.
Qyzmet shekaradan ótý faktilerin resmı túrde rastaý protsesin jeńildetedi. Anyqtama memlekettik aqparattyq júıelerdegi málimetter negizinde avtomatty túrde qalyptastyrylady, elektrondyq tsıfrlyq qoltańbamen kýálandyrylady jáne zańdy kúshi bar. Bul azamattar úshin qujatty alý protsesin jyldam, yńǵaıly ári ashyq etedi.
Atalǵan qyzmet QR Jasandy ıntellekt jáne tsıfrlyq damý mınıstrliginiń Memlekettik qyzmetter komıteti, «Ulttyq aqparattyq tehnologııalar» AQ jáne QR Ulttyq qaýipsizdik komıtetiniń birlesken jumysynyń nátıjesinde ázirlendi.
Buǵan deıin eGov Mobile-dyń «Zań men tártip» bólimi jańarǵanyn jazdyq.
