Egov portalyna bıometrııa arqyly tirkeý múmkindigi iske asyrylady - Baǵdat Mýsın

NUR-SULTAN. QazAqparat - Osy aıdyń sońyna deıin Egov portalyna bıometrııa arqyly tirkeý múmkindigi iske asyrylady. Bul týraly Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Qoǵamnyń shaǵymdaryn taldadyq. Qarapaıym halyq úshin egov-qa kóshýdiń basty qıyndyǵy - ol elektrondy tsıfrlyq qoltańbany ornatý, mobıldik bazada tirkelý. Osy tetikterdi sheshý maqsatynda portalda bıometrııa arqyly tirkeý múmkindigi iske asýda. Endi egov paıdalanýshysy bolý úshin smartfonyńyzdy aldyńyzǵa qoıyp, óz kelbetińizdi kórsetý jetkilikti. Qazir osy tetik testileýden ótip jatyr. Qarashanyń sońyna deıin iske qosamyz», - dedi mınıstr.

Onyń aıtýynsha, kóp talap etiletin qujattardy egov mobile qosymshasyna tsıfrlyq túrde shyǵaryldy.

«Tsıfrlyq qujattar qyzmetine jeke kýálikten basqa júrgizýshi kýáligi, dıplomdar jáne basqa qujattar shyǵarylady. Mundaı qujattar túri áli de kóbeıedi», - dedi Baǵdat Mýsın.