eGov portalynda memqyzmetter boıynsha qońyraý shalýǵa arnalǵan qosymsha nómir iske qosylady

ASTANA. KAZINFORM — 2025 jylǵy 28 shildedegi Úkimet qaýlysymen baılanys qyzmetterin paıdalanýshylar úshin qońyraý shalý tegin bolyp tabylatyn jedel medıtsınalyq, quqyq qorǵaý, órt sóndirý, apattyq jáne ózge de qyzmetter tizbesine ózgerister engizildi.

Tizimge qosymsha nómir engizildi. Endi memlekettik qyzmetter boıynsha biryńǵaı baılanys ortalyǵyna kelesi nómirler arqyly habarlasýǵa bolady:

• 1414
• 8 800 080 77 77

Qaýly 2025 jylǵy 10 tamyzdan bastap kúshine enedi.

Buǵan deıin Qazaqstanda 10 negizgi memlekettik qyzmetti onlaın formatqa kóshirý josparlanǵany habarlanǵan bolatyn.