eGov pen memlekettik organdardyń saıttary nege istemeı qaldy
ASTANA. KAZINFORM – Elimizde elektrondyq úkimet portaly men memlekettik organdardyń tsıfrlyq resýrstaryna kirýde ýaqytsha qıyndyqtar týyndady. «Ulttyq aqparattyq tehnologııalar» AQ mamandary aqaýdyń sebebin túsindirdi.
Kompanııanyń málimetinshe, syrtqy ınternet-trafık belsendiliginiń artyp, ulttyq tsıfrlyq ınfraqurylymdy qorǵaýǵa arnalǵan arnaıy mehanızmderdiń iske qosylýyna sebep bolǵan.
– Olar syrtqy belsendilikke der kezinde jaýap berip, ulttyq tsıfrlyq ınfraqurylymnyń qaýipsizdigin qamtamasyz etti. Qazir trafık qalpyna keltirildi, memlekettik tsıfrlyq resýrstarǵa qoljetimdilik shtattyq rejımde júzege asyrylyp jatyr, – dep habarlady «Ulttyq aqparattyq tehnologııalar» AQ.
Kompanııanyń málimetinshe, mamandar jaǵdaıdy baqylaýdy jalǵastyryp, servısterdiń turaqty jumysyn qamtamasyz etý úshin qajetti sharalardy qabyldap jatyr. Sonyń ózinde «Ulttyq aqparattyq tehnologııalar» AQ memlekettik aqparattyq júıelerde aqaý bolǵany týraly aqparatty rastaǵan joq.
Buǵan deıin, Memlekettik kirister komıteti vedomstvonyń tsıfrlyq júıeleri 21 tamyz kúni saǵat 12:30-dan 16:00-ge deıin ýaqytsha qoljetimsiz bolǵanyn habarlaǵan. Qazir olardyń jumysy qalpyna keltirildi.
Eske sala keteıik, 2026 jylǵy 11 tamyzda Qazaqstanda jańartylǵan eGov 3.0 portaly iske qosylǵan bolatyn.
