eGov Mobile: «Zań men Tártip» tsıfrlyq servıisi qoǵamda qanshalyqta qoldanylyp júr
ASTANA. KAZINFORM — Azamattar quqyq buzýshylyqtar týraly polıtsııaǵa eGov Mobile qosymshasynda jáne ekinshi deńgeıli bankterdiń mobıldi qosymshalarynda qoljetimdi «Zań men Tártip» tsıfrlyq servısi arqyly habarlaı alady. Bul týraly Polisia.kz jazdy.
Servıs ótken jyldyń jazynda iske qosylǵan bolatyn. Arnaıy batyrma arqyly paıdalanýshylar quqyq buzýshylyq, turmystyq zorlyq-zombylyq, jol-kólik oqıǵasy, balaǵa qatysty oqys jaǵdaı jáne qoǵamdyq tártipti buzýdyń basqa da derekteri týraly polıtsııa bólimine barmaı-aq, qońyraý shalmaı-aq, jedel habarlama jibere alady.
Habarlama birden polıtsııaǵa túsedi, bul azamattardyń ótinishterine jedel áreket etýge múmkindik beredi.
— Bıylǵy jyldyń tórt aıynda servıs arqyly 34 153 habarlama kelip tústi, — delingen habarlamada.
Aıta keteıik, Qazaqstannyń quqyq qorǵaý júıesi tsıfrlandyrýdyń jańa deńgeıine kóshti. Búginde elimiz boıynsha 1,6 mıllıonnan astam beınebaqylaý kamerasy jumys istese, onyń edáýir bóligi jasandy ıntellekt tehnologııasymen jabdyqtalǵan.
