eGov mobile qosymshasynda eDensaulyq derekter bólimi iske qosylady
Densaýlyq saqtaý salasyn tsıfrlandyrý medıtsınalyq kómektiń qoljetimdiligin arttyrýǵa jáne dárigerlerdiń jumysyn jeńildetýge baǵyttalǵan. Osyǵan baılanysty elimizde tsıfrlandyrýdy tereńdetý jáne densaýlyq saqtaý salasyndaǵy aqparat júıelerin biriktirý boıynsha júıeli jumys júrgizilip jatyr. Bul oraıda jeke medıtsınalyq derekterdiń taralý qaýpin joıý óte mańyzdy sanalady.
Búgingi tańda pılottyq rejımde «eGov mobile» mobıldi qosymshasynda «eDensaulyq» jańa bólimi iske qosylyp jatyr, onda halyqtyń keńeıtilgen medıtsınalyq derekteri, onyń ishinde donorlyq mártebesi (tiri kezindegi), elektrondy retseptiler, medıtsınalyq qarsy kórsetilimder týraly málimetter, júktilik boıynsha esepke turý, dıspanserlik esepke turý, aýrýhanaǵa jatqyzý derekteri, vaktsınalaý týraly aqparat, zerthanalyq zertteýler nátıjeleri týraly málimetter, kórsetilgen klınıkalyq-dıagnostıkalyq qyzmetter (dárigerdiń qabyldaýy jáne t.b.), aýrýhana paraqtary kiredi.
Aıta ketý kerek, qosymshanyń bir bóliminde atalǵan derekterdiń jınalýy medıtsınalyq kómek kórsetýdiń ashyqtyǵyn qamtamasyz etedi. El turǵyndary kez kelgen ýaqytta ózderiniń medıtsınalyq derekterine qatysty qajetti aqparatty ala alady.
«Medıtsınalyq kómekti odan da qoljetimdi etý, úıden shyqpaı alýǵa bolatyn qyzmetter tizimin ulǵaıtyp, olardyń sapasyn arttyrý úshin densaýlyq saqtaý salasyn tsıfrlandyrý protsesterin jandandyrý jáne tereńdetý qajet», - dedi A. Kólginov.
Keńes qorytyndysy boıynsha jergilikti atqarýshy organdarǵa qupııa medıtsınalyq derekterdi qorǵaý kerektigin eskere otyryp, aqparat júıelerin biriktirý jáne tsıfrlyq medıtsınany odan ári damytý jónindegi jumysty kúsheıtý tapsyryldy.
