eGov Mobile qosymshasynda otbasynyń ál-aýqatyn baǵalaý kalkýlıatory iske qosyldy
ASTANA. KAZINFORM — eGov Mobile mobıldi qosymshasynda otbasynyń ál-aýqatyn baǵalaýǵa arnalǵan jańa servıs paıda boldy.
Ol 2027 jylǵy 1 qańtardan bastap keıbir memlekettik kómekterdi otbasynyń naqty jaǵdaıy men muqtajdyǵyna qaraı kórsetý tártibine kóshý aıasynda iske qosyldy.
Kalkýlıator arqyly azamattar otbasynyń ál-aýqatyn baǵalaý talaptarymen tanysyp, otbasynyń salamattylyq deńgeıin anyqtaı alady. Bul rette otbasynyń tabysy men múlki ǵana emes, otbasy quramy, balalardyń, qart adamdardyń jáne múgedektigi bar adamdardyń bolýy sııaqty áleýmettik jaǵdaılar da eskeriledi. Baǵalaý alty baǵyt boıynsha 59-dan astam kórsetkishke súıenedi.
Aıta keterligi, esep adamnyń ózi engizgen málimetter negizinde júrgiziledi jáne tek aqparattyq sıpatqa ıe. Kalkýlıatordyń nátıjesi áleýmettik tólem taǵaıyndaý nemese ony toqtatý týraly sheshim bolyp sanalmaıdy.
Aıta ketelik asyraýshysynan aıyrylǵandarǵa tólem toqtasa, qandaı kómek saqtalatyny týraly jazǵan edik.
