eGov.kz portalynyń jańa dızaıny usynyldy
ASTANA. QazAqparat - eGov.kz portalynyń dızaınyn jańartý jumystary júrip jatyr, dep habarlady «Ulttyq aqparattyq tehnologııalar» AQ - nyń baspasóz qyzmeti.
Osyǵan deıingi dızaın 2012 jyly jasalǵan, sol sebepti ol búgingi kún talaptaryna jaýap bere almaıdy.
«QR Premer-Mınıstriniń orynbasary Asqar Jumaǵalıev pen QR Aqparat jáne kommýnıkatsııalar mınıstri Dáýren Abaevtyń tapsyrmasy boıynsha, osy ýaqytta portaldyń basty beti men ishki bólimderi ınterfeısiniń eki nusqasy jasalyp bitti. Eki nusqaǵa da qalyń kópshilik daýys bere alady. Daýys berý sharasy 15 kúnge jalǵasady. Qoldanýshylar óz erikterimen olardy zerdelep, ózderine unaǵan jobaǵa daýystaryn qaldyra alady»,-delingen habarlamada.
Daýys berý qorytyndysy boıynsha, eń úzdik jumys eGov.kz. portalynyń sońǵy úlgisi retinde qoldanysqa engiziledi. Jańa nusqaǵa myna jerden daýys berýge bolady.
