Egov.kz portalyndaǵy qyzmetter ýaqytsha qoljetimsiz bolýy múmkin
ASTANA. QazAqparat – Tehnıkalyq jumystarǵa baılanysty elektrondyq úkimet veb-portalyndaǵy qyzmetter ýaqytsha qoljetimsiz bolýy múmkin. Bul týraly Egov.kz portalynyń áleýmettik jelilerdegi paraqshasynan belgili boldy, dep habarlaıdy QazAqparat tilshisi.
«18 aqpan saǵat 21:00-den 19 aqpan kúngi 07:00-ge deıin tehnıkalyq jumystar júrgiziletin bolady. Osy ýaqytta elektrondyq úkimet aqparattyq-kommýnıkatsııalyq ınfraqurylymynyń operatory «Ulttyq aqparattyq tehnologııalar» AQ súıemeldeıtin aqparattyq júıeler ýaqytsha qoljetimsiz bolýy múmkin», - delingen Egov.kz portalynyń Іnstagram-daǵy resmı paraqshasynda jarııalanǵan habarlamada.
Eske salaıyq, buǵan deıin «Ashyq dıalog» portaly arqyly memlekettik organdardyń birinshi basshylaryna saýal joldaý qyzmeti jabylatynyn málimdep edik.
