Egov.kz portalynda jeke tulǵalardyń jazbasyn tekserý qyzmeti iske qosyldy

ASTANA. QazAqparat - Egov.kz-portalynda jeke tulǵalardyń jazbalaryn tekserý úshin jańa qyzmet iske qosyldy, dep habarlaıdy QazAqparat «Ulttyq aqparattyq tehnologııalar» AQ baspasóz qyzmetine silteme jasap.  

Bul servıs azamattardyń: týýy, ólim, neke qııý, ajyrasý, bala asyrap alý, ákeligin anyqtaý, aty-jóniniń ózgerýi sekildi barlyq 7 oqıǵa qyzmetiniń (onyń ishinde 2008 jylǵa deıin jasalǵan) arhıvtegi akti jazbalaryn tsıfrlaýǵa jáne tekserýge múmkindik beredi.

Endi joq nemese durys emes málimetti túzetýdi tsıfrlandyrý úshin myna silteme eGov.kz arqyly qujattardyń skanerlengen kóshirmesin jiberseńiz, sol jetkilikti.

Mysaly, Sizdiń balalaryńyzdyń týý týraly aktilik jazbasyn tekserý kezinde, bala týraly derekter (tegi, aty, azamattyǵy, ulty, týǵan kúni, ana men áke týraly málimetter) usynylǵan bóliminde durys emes jazbalar engizilgenin baıqasańyz, qujattardyń skanerlengen kóshirmelerin qoıyp, aqparatty jańartýǵa bolady.

Qyzmet kórsetýdiń nátıjesi AHAJ AJ málimetterin jańartý mártebesi týraly aqparat bolyp tabylady. Qyzmettiń kórsetilýi merzimi - 1 jumys kúni, qyzmet tegin kórsetiledi. Bul servıs elektrondyq úkimet portalynyń basty betinde ornalasqan.